Удмурт кылъя дышетiсьлэн Елизавета Ивановна Матвеевалэн кичoлтэмез улсын Гурезь-Пудга школаын ужа литературно-творческой кружок. Нимаське со «Кытысь пото нырысь чуръёс». Куинь ар талэсь азьло Елизавета Ивановна гожъяськон удысын нырысетi вамышъёс лэсьтыны юрттоно кариськиз витетi классэ ветлiсь пиналъёслы. Нырысь арзэ ик гожъямъёссэс поттiзы сборникен. Йырзэс кема тiяса oз улэ, сборниксэс но нимазы кружоксэс сямен ик. Кылбуръёссы, веросъёссы, заметкаоссы кык сборник поттымон люкаськизы. Кылемъёссэ  но, выльёссэ но ужъёссэс Елизавета Ивановна лач-лач люка огинэ. Пиналъёсызлэн «пoрамъёсынызы» куноя «Zечбур!» газетын ужасьёсты, ми доры но кытi-отi вуттэ. Дэмласьком тiледлы лыдzыны гурезь-пудга нылпиослэсь ужъёссэс.

Песянае сярысь

Мынам песянае Морозова Елизавета Пантелеевна, улэ Партчи гуртын. Со туж шырыт сюлэмо, ымтырзэ но шори люкоз, вылысьтыз дэремзэ но сётоз. Чакланы шуыса дораз лыктiд ке, одно ик куно кароз, утялтоз. Киосыз но песянаелэн зарниесь. Map кияз кутоз - ваньзэ лэсьтоз, пoрмытоз. Песянаелэн внукъёсыз трос ини. Ваньзылы маке но сётэмез, керттэмез потэ: пoзь но, носки но, изьы но, кофта но керттоз. Нош пoраське! Чиньыдэ ик ньылод ява! Соку со одно ик милемлы жингыртэ ини: «Лыктэ, лыктэ чай юыны, пoраськи!» Ужа на песянае туж чырткем. Ужзэ быдтытэк, корка ноку уз пыры. Коркаез но солэн котьку чылкыт, пичильтык тузонэз но oвoл. Монэ дырын-дырын индылэ, сюлмаське угось, визьмо, тыршись, zеч мед будо шуыса. Ваньмыз понна яратiсько но данъяськисько аслам песянаеным.

Лилия МОРОЗОВА, 7-тi класс