Сизьыметi классын дышетскись Толик кемалась вожъяськыса учкылэ ини эшъёсызлэн чебересь кроссовкиоссы шоры.

Аслаз солэн огшоры кедыос гинэ. Анаез уго огназ кык пинал будэтэ: Толик сяна, витетi классын дышетскись сузэрез вань на. Колхозазы рядовой колхозник гинэ. Кытын ай солы ваньзэ басьтыны. Туэ гужем пияш кыл сётiз: бусые, кушман вылэ, уриськыны потало. Толэзь ортчем бере, нырысьсэ кияз уксё сётiзы. Аслэсьтыз поттэм уксёзэ! Анаезлы шуиз:

- Базаре мыныса, кроссовки басьто.

- Мын, пие, мын, - oз пумитъяськы анаез. Ачиз лушкемен шумпотон синкылиоссэ xушылэ. Будэ ини пие, малпаз, лэся.

Гужем шор. Инмын шунды пальыша. Со но шoдэ Толиклэсь лoптэм мылкыдзэ. Пияш туннэ базарысь чебер, чилясь кроссовкиос басьтiз. Эшшо ке дунтэм! Кылем уксёез кынтэмлы тырмиз на. Сыскиськон но сётiзы! Эсьмаса сузэрез но шумпотоз.

Школазы дорын ик пиналъёслэн спорт площадказы вань. Пияшъёс лумбытэн отын бызьыло, тупез xыжало. Толик oз чида ни jытозь анайзэ возьманы. Ушъяськон мылкыдыз вормиз. Кроссовкиоссэ кутчаз но мылкыдыз бурдъяськиз. Табере со но ваньмыз кадь ик. Коли эшез доры пыраса, шудыны шонтiзы. Jыны нунал вить минут кадь ортчиз. Бертыкузы пыдъёсыз шоры учкиз но – одiгез кроссовкиез палдэм... ныръёссы бездiллям... Эх, ма!..

Jыт. Шунды но уг пальыша ни. Шoтэм пилемъёс люкаськизы. Анай ужысь вуиз. Син азяз кроссовкиос шедизы.

- Ма, Толик, базарын таxе кроссовкиос вузало шат?

- Футбол шудыны ветлi... Распродажаысь 250 манетэн басьтi вал... – йырзэ ошиз Толик, ачиз дыр-р! куалекъя.

- Дунтэмез гонтэм луэ! – вожпотыса вазиз анаез, нош понназ туж жаляз пизэ. Пичигес ук ай. Урод мылкыдзэ кияз кутыса, буйгатiз пизэ. – Я, азьланяз уд алдаськы ни, пие, визьмогес луод. Кин номыр уг кары, со гинэ уг янгыша, нош шудыны вужъёссэ кедыостэ кутчалод.