«Удмурт кенешлэн» ёросысьтымы ёзэтэзлэн ужамезлы йылпумъянъёс лэсьтонлы но выль кивалтэт быръёнлы сiзем люкаськонын zырдыт вераськиз Римма Борисова, калыкез дышетон удысысь oнерчи. Сётiськом Римма Анатольевналэн веранысьтыз оглюкетсэ:

- Туэ дышетскон арын ёросамы ужало куинь начальной школа-садъёс, кык основной но 11 шор-ёзо школаос. Дас школаын дышето удмурт кылэз. 1980 дышетскись пиналъёс пoлысь 709-эз дышето анай кылзэс, яке 36%-эз. 12 нылпи садъёс пoлысь сизьымаз дышето удмурт кылэз. 186 покчиослэн вань луонлыксы тодматскыны анай кылынызы, удмурт калыклэн культураеныз, йылолъёсыныз но сямъёсыныз. Элькунын кылем арын 341 школаын дышетiзы удмурт кылэз. Со луэ 56 %, вань дышетсконниосты лыдэ басьтоно ке. Нош элькунысьтымы вань дышетскись пиналъёс пo-лысь 14% гинэ дышетiзы анай кылзэс.

Берло вить аръёс xоже элькунын 49-лы кулэсмизы дошкольной нылпи учреждениос, соос пoлысь тямысэз национальноесь вал. Ворсаськизы Шаркан (вить школа), Грах, Кез (быдэн ньыль школа), Кияса, Игра (быдэн куинь школа), Алнаш, Балезино, Дэри ёросъёсын (быдэн кык школа) но мукетъёсаз. Администрацилэн, колхоз кивалтiсьёслэн рос-прос сюлмаськеменызы асьме ёросын та дыр куспын одiг нылпи учреждение но ворсамын oй вал.

Шаерамы улiсь удмуртъёс арысь аре zучомо. Кытын-кытын пиналъёслэн анай-атайёссы но вордскем кылзэс чик уг тодо ни. Таxе семьяын пинал анай кылзэ шер яке воксё уг кылы ни. Шонерзэ вераса, пиналъёс мылысь-кыдысь дышето удмурт кылэз, асьмеос, мoйыос, соослы пыxатiськом анай кылмы кыкетi сортъем луэ шуыса малпан. Ум дыртiське валэктыны кылмылэсь чеберлыксэ но кулэлыксэ. Семьяын кылдэм югдурез быдэсак тупатыны секыт, сое шуак уд вошты, но дышетон удысын тыршисьёс удмурт кылэз утён но азинтон пумысен пoртэм луонлыкъёс но амалъёс утчало. Школаосын, нылпи садъёсын кыллы дышетонлы нимысьтыз урокъёс радъямын, урокъёс бере пoртэм ужрадъёс ортчытъясько. Туэ арын учебной планъёсысь удмурт кылъя но литературая одiг час но куштэмын oвoл. Мар гинэ уг малпало дышетiсьёс но воспитательёс. Дышетскы гинэ. Соослы луыса ёросамы но, элькунамы но удмурт кыл возиське на. Оскисько, кема дыр xоже возиськоз на.

Татын вань сюлмаськемзы школаослэн, нылпи садъёслэн кивалтiсьёссылэн, ёросэн кивалтiсьёслэн но калыкез дышетонъя кивалтэтын ужасьёслэн. Угось соослы нырысь ик сэрттоно-пертчоно луэ кылдэм ужпумъёсты. Таин валче тодэ лыктэ кылем арын Вавож школаын луэм учыр. Одiгаз классын кoня ке анай-атайёс jутскизы  удмурт кылэз дышетонэз дугдытон понна, озьы бере, учебной планэз воштон понна. Одiг гинэ веранзы вал: «Малы кулэ удмурт кыл?». Мон талы пумит шуисько: «Ваньзылы-а со пиналъёслы кулэ луоз физика, химия, англи кыл?». Малпазы-а меда пичи дыръязы Светлана Смирнова, Андрей Ураськин соослы удмурт кылэз тодэмзы кулэ луоз шуыса? Oз но малпалэ, дыр. Но соос вoзын вылиллям визьмо но нодлыко анай-атайёссы, кудъёсыз малпазы, луоз, ватсаса тодэмзы мултэс уз луы шуыса.

Анай-атайёсты сюлэмшугъяськытэ ЕГЭ. Котькызьы мед дунъяломы сое, катэн кутэмын бере, солэсь асьмелэн куштiськеммы уг луы. Верало созэ гинэ: пиналлэсь кык кыл тодэмзэ со чик уг чакла. Соин xош пусъеме потэ: 2010-тi арын Вавож, Каракулино, Кияса, Пичи Пурга, Шаркан ёросъёсысь школаосын радъям чакланъя, oнерчиос туж тунсыко йылпумъянэ вуизы. Zуч кылъя ЕГЭ-лэн шоро-куспо баллэз вылiынгес вал со школаосын, кудъёсаз дышето удмурт кылэз, – 59,8 балл. Нош  соосаз, кытын уг дышето, – 57 балл. Озьыен, удмурт кылмы юрттэ гинэ пиналлы тодон-валанъёссэ будэтыны.

Удмурт кыллэсь социальной статуссэ зэмзэ но jуты-ны кулэ. Малы, шуом, уже интыяськыку удмурт кыл тодэмез лыдэ басьтонтэмез? Яке вылi дышетсконние пырыку.

                                                          Р.Борисова, УНО-ысь oнерчи