Кoня меда мурт Елизавета Ивановна Матвееваез аслаз дышетисеныз лыдъя? Туж трос люкаськоз, угось 41 ар xоже ужаз со Партчи школаын.

1970-тi арын, Можга педучилищеез йылпумъяса, Елизавета Ивановна татын покчи классъёсты дышетиз но пионервожатойын ужаз. Ачиз но пумен заочной амалэн дышетскиз. Иже сессиосы ветлэмез сярысь нимаз вераны луысал. Со аръёсы Вавожысь автобусъёс городэ Ува пыр кошко вал. Уваысь автостанциын 20-25 минут сылэмез лыдэ басьтыса, сюрес вылэ ньыль час пала бырылiз. Бертыкуз Вавоже вуэ но, отысь Партчиозь пыдын кошконо луэ вал. Котьма ке но, егит нылкышно дышетсконзэ азинлыко йылпумъяз, вылi образованиен дышетiсьлэсь дипломзэ басьтiз. Мукет сямен луыны но уг быгаты вал, дыр, малы ке шуоно, кыxе гинэ уж борды уг басьтиськы Елизавета Ивановна, котьку йылаз-пумаз вуттоз.

Кин но oй вал со: удмурт кылъя дышетiсь, внеклассной ужез радъясь, школалэн директорез. Пoртэм кружокъёс нуиз: эктонъя, драмая, пиналъёсты гармошка борды кыскиз, кылбур гожъянын асьсэды эскерыны юрттiз. Коть-кыxе удысын рос-прос тыршиз. Солэн дышетэм нылпиосыз удмурт кылъя олимпиадаосын ёросын но элькунын вормылiзы. 1982-1985 аръёсы Елизавета Ивановна вoзын ужась производственной бригада дорамы самой устоез луыса, элькунын но вылi дунъет басьтiз. 80-тi аръёсы Партчи школаын арган шудэм улсы кырzась-верась ансамбльзэс туннэ но куд-огез вунэтыны уг быгаты, дыр.

Вань сюлэмзэ сётыса ужаменыз со пиналъёсты олокы-xе но zеч ужъёсы кыскыны быгатiз. Котькуд нылпиен огъя кыл шедьтэ вал. Юнме-а дышетэм пиналъёсыз пoлысь 16-ез! солэсь сюрессэ бырйизы.

Елизавета Ивановнаен кема аръёс xоже xош ужам мурт, солэн эшез, Партчи школаысь ик мукетыз удмурт кылъя ды-шетiсь Светлана Николаевна Горшкова вакчияк тазьы шуэ со сярысь: «Со туж бадzым молодец, паймымон кышномурт». Эшезлэн, пе, jикыт сямызлы но паймисько, дораз ваньмыз ас интыяз понэмын, котьку лач-лач утялтэмын луэ. Кыxе но сяськаосыз oвoл Елизавета Ивановналэн бакчаяз, пoртэм-пoртэм емышо писпуос будо. Кузпалыз кышноезлэсь мылкыдзэ бурдъя, будосъёсын пoртэм опытъёс лэсьтэ. Кема аръёс xоже ини таос мушъёсын но выро. Та семья быдэс гуртсылы синмаськымон куинь пи будэтiз. Одiгзэ Вавожын но ёросын улiсьёс zеч тодо: Константин Александрович – полициысь майор, «Увинский» ГИБДД-лэн кивалтiсез. Мукетъёсыз пиоссы Москваын уло, инкуазез утёнъя министерствоын ужало: Владимир – советник, биология наукаосъя кандидат, Иван – валтiсь специалист, таиз но наукаен выре. Табере эшшо кык внучкаоссы но внуксы песянаен песятайлы шумпотон кузьмало.

Елизавета Матвеева – Россиысь дышетон удысысь отличник, Удмурт Элькунысь сиё-дано ужась. Тiни сыxе йoно нылкышно улэ Партчиын. Тэк пукыны та адями уг быгаты. Али, пе, куке школае урокъёсы дыртонэз oвoл ни, сюлмыз буйгамон лыдzиське, яратоно книгаоссэ гань-гань кариськыса усьтэ. Матысьёссэ но эшъёссэ паймытэ чебер пужыятскемъёсыныз.

Нимысьтыз пусйыны кулэ Елизавета Ивановналэсь удмуртлыкез  jутон, удмурт кылэз утялтон но азинтон ласянь трос лэсьтэмзэ. Ваньзэ тае лыдэ бысьтыса, алигес со oтемын вал ёросысь «Удмурт кенешлэн» «Удмурт корка» люкаськоназ тoршор куное. Эшъёсыз но дышетскисьёсыз со сярысь усто презентация дасяллям. Ачиз бадzым куно отын тунсыко мадиз Кузебай Гердлэн творчествоез, улэмез сярысь, вань люкаськем калыкез аслыз синмаськытiз.

Валентина БОГАТЫРЕВА